Siku ya Kimataifa ya Mtoto wa Afrika - Afya ya moyo: msingi wa elimu bora

Tarehe 16 Juni, tuliadhimisha Siku ya Mtoto wa Afrika, siku inayolenga kusisitiza umuhimu wa elimu bora kwa watoto wa Afrika. Tunaamini elimu bora huleta matokeo mazuri zaidi pale watoto wanapokuwa na afya njema, hasa afya ya moyo.

Ili kuunga mkono jambo hili, tuliandaa kipindi cha elimu ya afya ya moyo bila malipo pamoja na Dkt. Theophil, daktari bingwa wa moyo wa watoto kutoka Jakaya Kikwete Cardiac Institute (JKCI). Katika kipindi hicho, Dkt. Theophil alieleza matatizo ya moyo yanayowapata watoto mara nyingi, pamoja na matatizo ya moyo kwa watu wazima yanayotokana na shinikizo la juu la damu.

Elimu ya afya ya moyo ni muhimu sana. Kwa mujibu wa Shirika la Afya Duniani, magonjwa ya moyo ni kati ya visababishi vikuu vya vifo duniani, na elimu na kugundua tatizo mapema vina mchango mkubwa katika kuyazuia.

Kama ungependa tuje kutoa elimu kama hii mahali pako pa kazi au kwa vikundi vingine, tafadhali tuandikie kupitia [email protected] au tupigie simu +255 745 595 692 / +255 759 881 080.